ACEH TIMUR- Wab awak PDAM Tirta Peusada Aceh Timur, Sub Ranting Julok, (Kuta Binje) Aceh Timu, salah sambong pipa ie PAM roh meusambong bak Pipa kabel lestrek lam tanoh, lampu PLN mete tengeoh mugreb di Kecamatan Indra Makmur.
Manager PLN Rayon Idi, Abdul Majid nibak freelinenews.com, Bak Uroe Hameh (14/10/2021) malam, geumarit, gopnyan ateuh nan PT. PLN Rayon Idi, ngen sub rayon Kuta Binje, geulakei meuah beurayeuk that nibak masyarakat Kecamatan Indra Makmu, karena lestrek PLN sempat leuon mugreb bunoe, karena na kejadian salah sambong pipa lam tanoh nibak simpang peut Kuta Binje uleh pihak PDAM.
“Kamoe lakei meuah kaloen lampu bunoe mugreb karena jaringan lestrek nyang meutanom lam pipa lam tanoh arah u Indra Makmu ka salah kurek uleh petugas PDAM. Alhamdulillah listrek langsong jipeutah bak gardu watei kabel kaputoh lam pipa,” meunan geupagah uleh Pak Abdul Majid.
<”Mau Umrah Hubungi Segera ”
Akibat kejadian nyan, makajih listrik putuh u arah Indra Makmu, jadi jaringan payah peugoet balek. “ Tapi untuk lampu u Kecamatan Indra Makmu, malam nyoe ka udep lom, karena ka kamoe tuka arah ilee siat, dang-dang leuh tapeugoet balek pipa lam tanoh di Simpang Peut Kuta Binje,” meunan geupeugah uleh Maneger PLN Rayon Idi.
Kepala PDAM Iskandar bak freelinenews.com, geupeusampao “Karena petugas kamoe dilapangan urueng baro, jadi hana meuphom, nyang toh pipa lestrek toeh pipa ie PAM, karnea pipa pih sabe ukuran, jadi kakeuh salah kurek dan salah sambong,” meunan geupeugah le gopnyan.
Gopnyan geulakee meuah chiet, akibat na bacut kesilapan ka menganggu listrek padam. “Alhamdulillah putas PDAM ahan kontak, karena listrek ka langsong jipeuteh bak gardu,”marit Iskandar, SH. []
