Aceh Timur – Pemerintah Aceh Timu, cukop peduli keu urueng cacat nyang na lam nangroe meutuwah nyoe. Dinas Sosial Kabupaten Aceh Timu, bak uroe nyoe Seulanyan tanggai 30 Buleun 12 thon 2019, na geujok 16 boh moto Yamaha modifikasi, ngen 85 boh kurusi roda, sereuta 5 boh becak viar keu urueng cacat lam Nanggroe Aceh Timu nyoe.
Bandum bantuannyan geuserah langsong uleh Bupati Aceh Timu H. Hasballah. H. M Thaib,SH atau yang kayem keusebot Bupati Rocky dikeu kanto Dinas Sosial Aceh Timu, cot uroe bunoe.
Bupati ngen semangat Aceh Timu bereh, lam haba sambutan gobnyan geupeugah, bandum bantuan nyan beujuet geupakek le suadara-saudara geutanyoe nyang cacat untuk geujak mita raseuki uroe-uroe.
Bak wateinya Bupati gelakei bak mandum TKSK lam wilayah Aceh Timu beugeutem kereuja beu lebeh goet lom bak geudata mandum urueng cacat, atawa rumoh-rumoh nyang hana layak huni le lam wilayah nyoe.
Salah sidroe penyandang cacat warga Pante Bidari Aceh Timu, geulakee terimoeng geunaseh berayeuk that atau bantuan nyoe, ke Pemerintah Aceh Timu.
Meunan chiet Geupeugah le Nyak Maneh urueng cacat dari Kecamatan Nurussalam Bagok, gopnyan geulake terimoeng geunaseh beurayeuk that keu pemerintah Aceh Timu nyang ka geujok honda keu gopnyan, nibak uroe nyang mebahgia nyoe. (*)
Komentar