Ie PAM Meucret-Cret Tengah Malam, Pelanggan Jiteumei Teungeut Jaga

Ilustrasi | Net

FREELINENEWS – Ie PAM Tirta Peusada Kabupaten Aceh Timur bak padum boh gampong lam kecamatan Nurussalam- Bagok, iteubiet meucret-cret tengoh malam, rakyat sebagao pelanggan ie PAM tengeut jaga bak geupreh jiteubiet ie nyan.

Lagei geupeugah uleh Abidin atawa sereng geuheu Apa Kubet (55) urueng gampong Teupin Pukat, Kecamatan Nurussalam, bak Freelinenews, uroe Hameh (21/2), cukop gawat, geupeugah le  gopnyan, kadang bak geupreh jiteubiet ie PAM payah eh jula malam.

Muat Lebih

“Cukop gawat laju, menye sempat teungoet beungoh hana ie ngen maguen, ngen manoe, lawetnyoe chiet meujiteubit ie tan, aleh kiban?,” tanyoeng Apa Kubet.

Geupugah le Apa Kubet, watei karap toe bayei ie PAM nyan na jiteubiet siat, nyan pih meucret-cret teungoh malam. “Kamoe ino na padum-padum boh gampong sebagoe peulanggan ie PAM cukop brat keucewa ateuh layanan PDAM Tirta Peusada Aceh Timue. Padahai kamoe hana ie gleh selaen ie PAM nyan, menye hana ie PAM payah manoe ngen ie masen, nyan ban,” kheun Apa Kubet.

Apa Kubet ngen pelanggan PDAM laen di daerah nyan geulake bak Pemerintah Aceh Timue, beugeutem peugoet ie PAM beu jiteubiet lancar bek putoh-putoh ngen meucret-cret, sebab lam udep mandum rakyat lam nanggroe nyoe cukop peureule keu ie gleh.

“Peureule ie gleh keu ie jep, keu ie manoe, keu ie maguen dan sebagoe jih, dan beugeutupue uleh pemerintah kamoe disinoe hantom teulat beyeu rekening ie, jadi lagei nyan lancar kamoe bayeu rekening ie, meunan chiet jiteubiet ie beu lancar, bek meucret-cret,” nyan ban geupeugah le Apa Kubet. (*)