Aceh Timu- Wali Nanggroe Aceh, Tgk. H. Malik Mahmud Al-Haytar gelakake bak mandum rakyat lam Naggroe Seuramoe Mekkah nyoe beugeutem jaga rimba tuhan, dan bek na rakyat lam nangroe nyoe jak ganggu habitat bandum binatang nyang na udep lam rimba Aceh mutuwah nyoe.
“Geutanyoe beutatpue bandum, bahwasajih utuen Aceh nakeuh salah saboh uteun yang paleng get di Indonesia nyoe. Bak Geutanyoe le that mantong binatang langka, lagee Badeuk, Rimueng, Gajah, Mawah, Cagee dan laen –laen nyang payah tajaga bek sampeh punah,” haba nyan geupeugah le Wali Nangroe Aceh, watei gopnyan ngen rombongan geujak sawee Naggroe bagian Aceh Timu, baroe Hameh (24/01/2020).
Wali Nangroe Aceh nyang mulia Malik Mahmud Al-Haytar, geupagah, bahwasajih Bupati Aceh Timu H. Hasballah H. M. Thaib atau Bupati Rocky, na keuh sidroe bupati nyang sunggoh-sunggoh geu tem jaga bandum binatang nyang na lam utuen Aceh Timu nyoe.
“Menye bak buet jaga utuen, jaga binatang lam utuen bek punah. Na dukungan nyang cukop rayeuk bak uloen tuan. Geutanyoe bandum urueng Aceh payah tasambot beujroeh ateu rencana Bupati Rocky, neuk bangun saboh teumpat pengelola badeuk di dalam rimba Aceh Timu nyoe,” geupeugah le Malik Mahmud.
Wali Naggroe Aceh nyang mulia Malik Mahmud Al Haytar, bak wateinyan gopnyan geusanjog ngen salot geuh ateuh pesat jih pembangunan Aceh Timu lawet nyoe.
“Kamoe lakee bak Bupati Rocky beugeupeumaju ekonomi rakyat, supaya nanggoe Aceh Timu meutuwah nyoe juet keusaboh daerah nyang maju di bumo Aceh nyoe,” nyan ban geupeugah uleh Wali Nangroe Aceh.
Bupati Rocky, di keu Wali Nanggroe, geupeugah gopnyan selaku Kepala Daerah di Aceh Timu nyoe, akan geuupaya sabe –sabe untuk geubangun teumpat-teumpat jaga satwa lam utuen Aceh Timur.
“Meumacam upaya tanyoe peugoet untuk tajaga rimba tuhan, ngen makhluk Allah nyang na udep lam utuen luwah nyan. Na tapeugoet CRU Gajah di Bunin Serbajadi, dan ukue nyoe tapeugoet chit saboh penangkaran Bedeuk di Aceh Timu nyoe,” meunan geupeusampoe uleh Bupati Rocky. (*)
