Oleh : Ilyas Ismail Ketua Bidang Putroe Phang MAA Aceh Timur
Asalamualaikum Kaom Sinaroe
Agam ngen Binoe dusun ngen kota
Na Bacut Haba loen neuk hareutoe
Keu Gas Lam Bumoe sinoe di Blok A
Mula awai phoen kalam loen suson
Pujoe Keu Rabbon Nyang Maha Kuasa
Seulaweut Keu Nabi Saleum Lon Sanjong
Hana Tuwo Loen Doa Keu Ayah Bunda
Awai loen rawi kisah saboh thoen
Bek salah uloen Bak Thoen 1971
Di Alue Siwah sinan meuboe phoen
Ngen Alue Patong Buet PT ASAMERA
PT Asamera beroperasi Karap 20 Thoen
Leuh Nyan disambong le Medco E&P Malaka
2010 Medco Malaka awai mula phoen
Bloe Tanoh Keubon Jalan Jibuka
Peugoet CPP Projec Raya Phoen
JGC Peutroen Sub Con Keureuja
CPP Peudeong Untuk Olah Gas
Sinan Peupisah H2S ngen CO2
Dari Blang Nisam Tumboh Buket Indah
Lagak Meulempah Jalan ROW Jibuka
Disampeng Jalan Pasang Pipa Gas
Trok U Alue Siwah Jalan That Raya
Jalan Meubatei Licen Meuleumpah
Na moto Geutah Ret Nan Jiteuka
Moto Pribadi Woe U Aluei Mirah
Roet Buket Indah Neuplueng bek Teuga
Watei Awai Phoen Proyek Dipeuhah
Bak Thoen 2012 Ramei Pekerja
Na 5000 Ribee Urueng geupajoh Upah
Meumacam Tugas Sinan Keureuja
Na Adok Seumen Na Tukang Meulas
Nyang Caroeng Peugah Humas Geumita
Nyang Tuboh teugap Laen Loen Tugas
Pinto Geupeuhah Tukang Pareksa
Bersambung………..
